விலங்குகள் பற்றிய வியத்தகு தகவல் தரும் விடுகதைகள்

விலங்குகளைப் பற்றிய வியக்க வைக்கும் தகவல்கள் தரும் விடுகதை நேரம் விடைகளுடன்👇👇

(1) இது ஆஸ்திரேலியாவில் மட்டுமே காணப்படும் விலங்காகும். பின்னோக்கி நடக்க இயலாத விலங்குகளுள் இதுவும் ஒன்று. அது என்ன விலங்கு?______.

விடை: கங்காரு.

(2) இது நிலத்தில் வாழும் விலங்களுள் பெரிய விலங்காகும். மிகச்சிறந்த ஞாபகசக்தி கொண்ட விலங்குகளுள் இதுவும் ஒன்று. அது என்ன விலங்கு?______.

விடை: யானை.

(3) நன்றிக்கு சான்றாக கூறப்படும் விலங்கு நாய். மனித கைரேகையைப் போல, நாயின் எந்த உடலுருப்பு தனித்துவமானது?_______.

விடை: மூக்கின் ரேகை.

(4) தனது வாழ்வின் ஏறத்தாழ 70 சதவீதத்தை தூக்கத்தில் கழிக்கும் விலங்கு இது. இந்த விலங்கு, மனிதர்களை விட ஐந்து மடங்கு கூர்மையாக கேட்கும் திறன் கொண்டது. அது என்ன விலங்கு?______.

விடை: பூனை.

(5) இவை, உலகிலுள்ள விலங்குகளுள் உயரமான விலங்கினமாக கருதப்படுவன. இவை ஒலி எழுப்பவதை மனிதர்கள் இதுவரை கேட்டதில்லை. எனவே, ஆராய்ச்சியாளர்கள் இவற்றின் ஒலி மனிதர்களின் காதுகளால் கேட்க இயலாத வண்ணம் மிகவும் மெதுவாக இருப்பதாய் கருதுகின்றனர். அது என்ன விலங்கு?_______.

விடை: ஒட்டகச்சிவிங்கி.

(6) மூன்று அடுக்கு கண் இமைகளுக்கும், கரடுமுரடான தோலுக்கும் உரிமையான விலங்கு. "பாலைவனத்தின் கப்பல்" எனவும் அழைக்கப்படும் சிறப்பு வாய்ந்த விலங்கு. அது என்ன?_______.

விடை: ஒட்டகம்.

(7) நாய்கள் குடும்பத்தைச் சேர்ந்த மிகப்பெரிய நாயினம் இதுவே. கூட்டமாக வாழும் புத்திசாலி விலங்களுள் இவையும் ஒன்று. அது என்ன விலங்கு?________.

விடை: ஓநாய்.

(8) இவை நாய்கள் இனத்தை சார்ந்தவை. எனினும், பூனைகளின் குணங்களுடன் இவற்றின் குணம் ஒன்றிவரும். தந்திரத்துக்கு பெயர் பெற்ற விலங்கு இது. அது என்ன?_______.

விடை: நரி.

(9) உருவத்தில் குண்டாகவும் பெரியதாகவும் இருப்பினும், சிறப்பாக ஓடும் திறன் கொண்டவை இவ்விலங்கு. பெரும்பாலான இவ்விலங்குகளுக்கு நாற்பத்து இரண்டு பற்கள் உண்டு. அது என்ன?______.

விடை: கரடி.

(10) இது மிகச்சிறந்த கேட்கும் திறன் மற்றும் மோப்ப சக்தி உடைய விலங்கு. மேலும், அமைதிக்கு சான்றாகச் சொல்லப்படும் இவ்விலங்கு நீந்துவதிலும் வல்லமை பெற்றது. அது என்ன?______.

விடை: மான்.

விடுகதைகள் வாயிலாக பல சுவாரசியமான தகவல்களை அறிந்து கொண்டிருப்பீர்கள் என நம்புகிறோம். மேலும், பல தகவல்களுக்கு கீழே இணைக்கப்பட்டுள்ள லேபிலை பயன்படுத்துங்கள். தங்கள் கருத்துக்களை கமண்ட்டாக பதிவிடுங்கள். பிடித்திருந்தால், தங்கள் நண்பர்களுடனும் பகிர்ந்திடுங்கள்.